自從武漢肺炎爆發以來，身邊多了朋友自己煮飯，包括我在內，去到第三波禁晚市堂食，情況更加嚴重。
有人講笑咁講過：（呢段疫情，將會出現好多廚神。）
還間接帶動一些烹飪Youtuber的點擊率上升。
下班沒節目，只有回家一途，若不外賣就要自己煮，你可以頹吃一餐好醜都係肉得過且過，也可以買靚料吃得精緻，廚藝肯定不及專業廚師，但自己煮就不會下味精。
遲些疫情一過，現在的生活，也許已成為習慣，還會經常外出用餐嗎？
有不少人想過這個問題。
晚市禁堂食初期，曾經光顧過大角咀Loft 7的外賣意粉，六十多元一盒兼送汽水，真的含淚去做，經過四十五分鐘時間，才把外賣拿回家，已過了最新鮮熱辣的狀態，食味自然不及剛上枱，我應該在附近的公園，席地而坐。
疫境下更加要支持朋友的食店，龍小菌的「奔之食堂」，用外賣app訂，很快便送到我公司，牛肉麵沒有甚樣走樣，依然美味。
新蒲崗與我家的距離，只有大約十分鐘車程，有時下班坐多幾個站巴士，買些外賣回家吃，重光弁當的滑蛋豬扒飯，水準不錯。
友利坊的油雞，甚為高質，既然打包回家，其實我叫例牌燒味才對，白飯自己煲。
第二次再訪，買了＄60叉燒，再到附近的黃色Wine Cellar Reussi買瓶紅酒，煲個飯，連叉燒放進飯煲稍焗一會，香到無人有。
吃剩的，隔日用來炒蛋，加蔥加韭黃。
Involtini的DIY外賣套餐，紅蝦意粉自己煮無難度，料理包的醬汁一早調教好，煎熟紅蝦易過借火，總之照著指示去做，也有堂食的六，七成水準。
去不到英國，想吃個All day breakfast，就要去馬莎百貨超市，買些Cumberland香腸、煙肉、black pudding，再炒些磨菇、車厘茄，太陽蛋煎得靚靚，收你＄100一客也合情合理。
順便買些芝士，近年愛上英格蘭Stilton藍芝士，配威士忌一流。
有日興之所致，整個蘿蔔炆牛腩，初次下海，煮出來起碼入到口。
土瓜灣黃店 - 天園餃子，外賣生餃一打＄36，韭菜餃配日版出前一丁，以悅和醬園的麻油取代，多份本土風味。
我喜歡吃海鮮，最近經常光顧土瓜灣炮仗街的海鮮檔 - 恒安，賣甲殼類海鮮為主，亦有煙三文魚，急凍海鮮等供應，習慣在臨近黃昏的時間去，看看有沒有平貨執。
見到一份仍生猛的草蝦，＄60一份，全部用來整醉蝦，伴個麵，夠我食兩日。
蘇格蘭蟶子皇，有時＄100一份，有時＄130一份，我一個人，要半份就夠，豉椒炒，配煎米粉，我最喜愛的配搭；煎米粉要有耐性，切忌心急，第一次開中大火，效果不佳，第二次慢火煎，雖未及外面吃到的水準，但總算有進步啦。
意粉才是我最喜愛煮，喜愛吃的食物。
有蜆，就煮個白酒蜆肉意粉，花甲或番薯蜆，有甚麼就買甚麼。
帶子就只下蒜蓉香草，簡簡單單。
Carbonara材料只有蛋、意大利pancetta（你有豬面頰肉就最好），但做法又不是想像中的容易，一個不小心，便成為炒蛋。
煎香pancetta，逼出油份，連同芝士碎與蛋黃拌勻，離火將剛煮起的意粉拋幾下，最後上碟灑些芝士碎與黑椒碎，趁熱食，好快清碟。
與其外面吃，不如信自己，我想我有潛質成為Carbonara法西斯，高呼落忌廉會落地獄。
沒有留言:
張貼留言