我對朋友說：（仲未去過616打邊爐。）
對方流露出一副難以置信的表情。
（你講真㗎？）
（真㗎，沙田盛記就去得多，硬係同616無乜緣。）
分店遍佈港九新界，梗有一間喺左近，咁都未去過，真慚愧。
友人S兄約打邊爐，今次不再盛記了，轉戰616，揀一間近大家的分店，我一直認為是紅磡黃埔新邨分店，但去到才發覺，他訂了新蒲崗分店。
即刻轉的士前往，未開飯先跌＄50車錢。
晚市禁堂食，唯有下午四點半開始early dinner，平安夜的下午，火鍋店很冷清，我們三個人，要分兩張枱坐。
憑QR code點菜，主力當然是牛，再加點小食，轉眼間，擺到一枱都係；用餐時間限時100分鐘，應該是在繁忙時間的規定，所以上菜速度極快。
人未齊先偷跳，叫些小吃食住先，醉雞與辣牛肚，味道不俗。
鴛鴦湯底，一邊是沙嗲，一邊是蘿蔔牛腩清湯，待滾，試一口沙嗲湯，夾雜著花生碎粒，加上沙嗲本身的惹味，質感非常濃厚，既然有人說過九龍城「方榮記」是藍店，再去的話隨時被罵到狗血淋頭，來這裡，那就差不多了。
眼見俄羅斯牛肉的表面，油花均勻，嫩滑的肉質與其油香，留下良好印象。
聽牛總的指示，鮮紅的匙柄，與胸口膀夾住一起吃，嫩滑爽脆兩者兼備。
澳洲和牛頸脊，未算入口即化，但油脂豐富。
牛駝峰是頸脊的延伸，油份較少，而肉味較濃。
牛朴肉的質感有嚼勁，皆因是活動較多的部位，三花腱很爽口，牛丸彈牙肉味濃。
最後追加油豆腐與公仔麵，吸盡沙嗲湯底精華，不羨仙。
自助醬料想點玩就點玩，落重荽加牛汁，夾著沾滿沙嗲的牛肉一同放入口，過癮到極點。
疫情期間，午市火鍋有八折優惠，一行三人，折後每位＄180，便宜得令人發笑。
晚市禁堂食，對這些專攻晚市的食店（中午打邊爐，喺大部份人心目中係好驚奇嘅事），無疑是有如海嘯式災難，埋單時見到收銀處，貼滿當晚的外賣訂單，得到同路人踴躍支持，同步過冬，一起對付飲食業寒風。
616火鍋專門店：新蒲崗錦榮街6-24號金橋大廈地下
請不忘讚好我的專頁：https://www.facebook.com/foodiesmashingpumpkins
我的MEWE專頁：https://mewe.com/p/猛烈南瓜在飯桌
沒有留言:
張貼留言