沒有計劃的旅程，只有異地的約會。
三月中的倫敦，早上只有個位數字的溫度，如果掉轉在香港，沒有暖氣之下，在披窩內天人交戰，起床？不起床？
沖涼洗臉，沒有洗頭，在行李挑選了FCUK的恤衫，BLACKBARRETT by Neil Barrett的jumper，擦亮副Moscot眼鏡，先到Ted Baker的Barber Shop，修理三千煩惱絲，本來的雜亂無章，經過土耳其師傅三兩下手勢後，黑色的髮蠟，風中帶滑，整個人顯得更清爽，瀟洒。
然後，與好友小寶，在Holborn站外面會合。
例牌互相先寒暄一下：（點呀你？）
（唔係太好，妳又遲到，仲諗住用你部菲林機，影我喺Barber Shop比人修理緊個樣。）我故作不滿地說。
小寶連忙說不好意思：（哎呀，真係我的壞習慣，對唔住！）
她一身vintage look，背囊仍是追隨她多年的綠色Lacoste，與Bold袋，地圖袋一樣經典。
（好，我哋去邊？）
（就東倫敦啦，唔係一早講好咗喇咩？）小寶說。
不坐地鐵，走到附近巴士站，跳上往Hackney Central的巴士，向著沒有目標的目的地進發。
