每次行過保德街，加倫臺，山道一帶，只要有朋友在身邊，我就懶係講古佬上身：
（八十幾年前，屈地街煤氣鼓大爆炸，波及對面加倫臺，死了幾十人。）
（塘西風月而家無留痕，不過話唔定某處有條秘道，打開大門，你就會搵到如花同十三少㗎喇，哈哈。）
與好友即興約午飯，相約在保德街的「Dreamer Cafe」，談到天花亂墜眉飛色舞，皆因我們也喜愛夢遊，畢竟清醒真的太多咀咒。
上個月才與友人K，食完波記的叉燒瀨粉，走上來飲杯Dirty，除了是一間黃店之外，牆上的曼德拉語錄，亦發人心省。
（It always seems impossible until it is done。）
何時能夠迎接光輝歲月？
好友遲到，他叫我飲住茶先，忘了提款，打開銀包，只得＄80，這裡只收現金，買了一杯Earl Grey Flower之後，只剩下三十多元。
我：（落車搵個ATM㩒錢，我現金唔夠。）
他在上路下車，沿途沒有ATM，他說也有百多元現金，應該夠用。
我們似乎習慣在英國買杯咖啡，買隻熱狗，也可以拍卡的cashless習慣，這次真的沒有為意這裡只收現金，連Payme也不能。
（上星期去睇達明，見到紀念品攤位，仲諗住佢哋會有部咭機，點之又係cash only，唔夠錢喺身買嘢，結果要其後去睇嘅朋友幫忙。）哈哈，我銀包長期現金不足的壞習慣，真的難改。
加埋的現金，還夠他飲一杯Piccolo，買兩個鹹味Bagel。
腦海又想起我們在Brick Lane吃鹹牛肉的時光，不過今次是煙三文魚加炒蛋。
話就話鹹，感覺其實很甜，當局者迷嘛；炒蛋夠香滑，三文魚質素正常，下次要來吃個意粉。
PS：這間咖啡店，有份參與「懲罰祭」。
Dreamer Cafe：西環保德街6-20號保基大廈地下5號舖
沒有留言:
張貼留言