因唔知係咪經營不善，近年在英國蝕錢蝕到入肉的Gordon Ramsay，努力去開拓海外市場，上年在海港城開業的Maze，身邊十個朋友吃過，有九個都屌晒鬼。
包括我在內。
新鮮滾熱辣，今個月他殺到入香港機場禁區，開設Plan food to go，主要賣漢堡、意粉、飯，還有可帶走的沙律，小吃。
又放長假，又早了入閘，見沒有太多人排隊，就在此吃點東西，假若再次瀨嘢，也就只此一次而已。
漢堡兩款，看賣相不甚吸引，印度飯？不想吃得太濃味，龍蝦Mac and Cheese？二百多元，貴，似乎只有番茄肉丸長通粉，比較合我心意。
包汽水一杯，額外加錢要個菠菜雞肉湯，總共＄158。
Plane food to go，顧名思義即是食完就瀟瀟洒洒的上機，根據報章的報導，Gordon Ramsay以倫敦Heathrow的Plan to go為基礎，將貴賓廳的美食搬出來，讓大眾也可嚐到相若的美食；而該六款菜式，亦是很快可以上到菜，龍蝦通心粉可以焗定備用，其他的只需數分鐘便可以起貨，簡單快捷。
當然，你不要期望是很驚天地泣鬼神的出品，旨在食飽壯行色，無須捱好撚難食的飛機餐；（我坐長途機，真係出發前食返好少少，一起飛便倒頭大睡。）至於這個蕃茄肉丸長通粉，的確不算是難吃的級別，簡簡單單，茄醬的酸甜度就幾對我口味，起碼不是濃到有點假，肉丸的味道就不太突出，亦不是我預期的鬆軟質感；通粉則未能完全吸收茄醬的靈氣，或許時間比較緊逼吧。
跟餐的菠菜雞肉湯，混合了米飯在內，100％東方味道，但調味鹹了一點，有點像喝醬油湯的感覺。
行過隔離，原來都爹利就在眼前，另一邊亦將會有高級壽司店進駐，留待下次再出外時跟進。
Gordon Ramsay Plane Food to go： 香港國際機場禁區7樓美食廣場
請不忘讚好我的專頁：https://www.facebook.com/foodiesmashingpumpkins
沒有留言:
張貼留言