疫情之下晚市禁堂食，只做外賣的情況下，收入沒可能與以前相比，無論是有集團撐腰，或者是小本經營，全城告急，不用大打矯情牌，大家都知道。
大埔朋友A先生，向我推薦區內他經常去的車仔麵店，他回憶上年外面打到閪冧期間，在此吃碗麵，老闆娘流露出為年青人擔心之情。
（水準就唔算超班，但聽聞佢哋就嚟做唔住，得閒就去支持下啦。）A先生還說，可以約我一起去。
我的時間比較難遷就，獨個兒去吃碗麵，亦無不可；曾經有段時間喜歡去大埔覓食，數到對上一次，已經是差不多三年前，與友人F小姐在已結業的蜆勁村撐枱腳。
從土瓜灣乘坐75X巴士，直達大埔超級城，行數分鐘，來到大埔廣場地下 - 多多車仔麵。
該麵店在某個圈內很受歡迎，詳細不說啦，門外貼上三張相，裡面的人物有荷蘭國家隊領隊 - 朗奴高文，名宿雲達沙與古華特，大約也估到，老闆是捧荷蘭。
三餸麵＄38，四餸麵＄46，不用費神可選擇大什麵或招牌麵，前者＄45，後者＄55。
特別推介的聰明哥豬扒，包含在車仔餸裡面，只須額外加＄3，單叫一碟的話，就要三十多元。
麵底例牌要油麵，腩汁與沙嗲汁兩溝，最後揀了六個餸，加罐可樂。
湯底清澈，有別那些舊派車仔麵店的深不見底，小辣的沙嗲汁濃厚惹味，枱上的辣菜脯，吃得辣才好試，淺嚐少許，已令我頸背汗如雨下。
豬大腸的肥膏滿載，脂香十足，柱侯牛腩做得軟熟入味，豬紅爽滑，蘿蔔質感爽，味道自然，沒有刻意添上冰糖的甜，咖喱魚蛋水準正常。
另外上的聰明哥豬扒，切開五小件，金黃酥脆的薄薄表面，裡面的豬扒質感鬆化不老，味道香甜，但仍不及九龍城街市的樂園。
街坊小店，始終靠區內的居民支持，才能捱過這段難關，A先生果然沒介紹錯，不如待限聚令一過，拉多幾個圍內朋友同行，等他帶隊到同聲同氣的食肆，飲飽食醉。
沒有留言:
張貼留言