相信每一個土瓜灣之友，也曾在哥登堡餐廳裡面，發生過一些難忘的故事。
果占苗：（以前係我主場，而家返去土瓜灣剪頭髮，有時都會嚟回味一下。）
我：（老老實實，果陣你有無同協恩妹，喺哥登堡約會先？）
（邊有呀？）果占苗斬釘截鐵地說。
新手兄：（其實，讀書果陣我真係好少去。）
K先生：（真係好多回憶，果陣係四大天王當紅的時期。）
在土瓜灣區住上二十年的P先生：（我第一次去哥登堡果陣，係去偉恆昌果間，果次係同一個VTC同學去食午飯，原來，我都好幾年無見過佢。）
P先生，就是我。
那時，大約是湯寶如在電視裡面，由早到晚都叫著時間令痛苦都轉好，戀愛命運就樣感冒的日子。
二十年來，我患了幾場重感冒，藥石無靈，直到今天，依然是個自由人，偶然約不同的女生看電影，飲酒，吃飯。。
我老總說：（不知有幾多人羨慕你呢種生活，好似你呢個年紀，依然可以與不同的女生約會。）
X，你估我不想找個另一半，可是我的心上人，應該不為所動。
以前就話與女生上高級餐廳，是最大成就，年紀越大，就想返樸歸真，肯跟你去踎大牌檔，上豉油西餐廳的女生，你要好好珍惜。
台北R：（之前聽你成日講土瓜灣的哥登堡，果日搭巴士經過，就等你生日，請你去啦。）
（哈哈，其實食咩到好，不過我生日，只會去之前從未光顧過的餐廳。）
一待四個月，這天中午與她一起出席某個威士忌活動，地點在觀塘，剛好，哥登堡的位置，是我與她的中間點。
（正午十二點，哥登堡門口等！）
相隔二十年，再次有女生陪我去哥登堡！、
午餐吃甚麼，還須多說，當然是肉醬意粉。
這裡的肉醬意粉，是我最愛。不要看我經常上意大利餐廳，一說到肉醬意粉，哥登堡是我首選。
正所謂每個人心目中都有一個沈佳宜，或者是葉子楣，可能你會質疑我的口味，但是我把尺，又不是你把尺，很難去衡量喎。
（你要肉醬意粉，咁我要個雞扒螺絲粉。）台北R拿著餐牌猶豫不決，最終食螺絲。
一紅一白，我對白湯是有種莫名的情意結。
（我都唔記得，點解會咁鐘意飲忌廉湯，總之，一紅一白，我通常會投白票。）對著台灣人說港仔飲食血淚史，好像特別起勁。
肉醬加芝士，沿用多年的法則，成為了我的心頭好，麵條並非意大利的應有al dente，只是以茄汁燴過，再加芝士，肉醬去焗，你要拿意大利的味道來相比，是不公平的。有時候，滲入一些港式味道，絕非壞事，而且更會令人有所共鳴。
台北R的雞扒螺絲粉，看似有點遜色。
下次找個晚上，一起來吃鐵板牛扒，好嗎？
咦？其實，我們可以相約在台北大稻呈的波麗路。。。。
哥登堡餐廳：土瓜灣馬頭圍道440號地下
請不忘讚好我的專頁：https://www.facebook.com/foodiesmashingpumpkins
沒有留言:
張貼留言