疫境一年，爆完又緩和，今日又話第四波已完，但明日呢？
往年的五月，例牌到會展一趟，因為有酒展舉行，今年五月就只能來到二樓的「中庭」吃餐午飯而已。
（之前展覽開下又停下，係啱啱先有返個Art Basel，另外一邊嘅金紫荊中菜，而家要等到有展覽嗰陣先會開。）
飯局主人家，差不多一年沒見面的會展公關S小姐，交待一下近況。
（大家估下書展會唔會如期舉行？）我加把口。
（照情況睇就應該無問題，但係美食博覽就未必，就算搞得展覽，但場內無得試食，呢個先係難題。）
你一言，我一語，未來日子，還有排捱。
平日只開午市，周五、六、日，與及公眾假期才開晚市的中庭，繼續行B餐。
頭盤三小點，鹽焗鮮鮑魚、走地醉雞、涼拌蜜荳蟲草花，輕輕地灑上鹽花的大連鮑，其鹹味提升了本身的鮮味，質感彈牙不硬；走地醉雞做得像西餐的雞卷一樣地精緻，酒香點到即止，雞肉亦不粗糙；最清爽的一道，當然是涼拌蜜荳蟲草花。
螺片白玉紅菜湯，主廚大膽地用到紅菜頭，混合在中式湯水裡面，榨成汁與雞湯融和，色水與真正羅宋湯幾可亂真。
兩者結合之後，味道甜中帶醇，配以螺片與冬瓜，整件事非常夏日。
一圍十人八人，叫個大菜易話為，在杭州菜館，少不免一隻富貴雞，現在一枱四人（若堅持行B餐的話），菜式份量要縮水，富貴雞變成富貴鴿，又是飯店主廚的好主意。
酥皮包著荷葉，並非傳統的塘泥，忘記是誰說過，塘泥供應日漸短缺，有些菜館已改用其它材料而代之，多年前在灣仔某菜館（現已結業），更用到舊報紙。
每一件嫩滑的鴿肉，吸收了荷葉香，配以酥皮同吃，多份脆口感覺，如果做足全套戲，加入大頭菜的話，也許食味會更佳。
香蔥烤油金魚鮫，焦脆可口，烤蔥的香氣，是最大功臣。
層次分明的慢煮肉腩，應肥則肥應瘦則瘦，甘香豐腴鬆化無黐牙，濃甜的醬汁是配白飯的佳品。
羊肚菌竹笙卷素千層，淡麗之中，帶著一點羊肚菌的野性。
手切牛崧黑松露炒飯，通透乾身不油膩，黑松露香氣突出，帶有嚼勁的牛崧，增加一份實在。
中菜館的甜品，賣相做得像西餐一樣，菇狀是合桃布甸，樹身是黑糖桂圓紅棗餅，真係估佢唔到。
餐前餐後沒有碰過一滴酒，最後隨著一杯加冰的可樂，又可否盡忘懷這年來的失落？
現在凡惠顧晚市，一律八折，優惠做到幾時？未知。
疫情幾時完結？未知。
中庭：灣仔港灣道1號香港會議展覽中心1樓
沒有留言:
張貼留言