以前賣芝士撈麵打出個名堂，上年秋天結業的「新記芝士麵」，日前經過荃灣路德圍，同系的「新記冰室」，五一黃金周期間，隔離「真台客」爆晒棚，反觀這裡不用等位。
見到餐牌，有一味茄汁芝士炒通粉。
香港有炒通粉的地方，新蒲崗的「肥仔銘」是表表者，為了此味，即刻行入去填紙仔。
當時真的沒想過，以前曾受到大中華遊客（尤其是台灣），演藝界名人熱烈歡迎，香檳大廈的新記芝士麵，竟然是一間黃店，冒住得罪強國人與偽人之險，坦蕩蕩表明自己的立場，有段時間其水準大倒退，反而變黃之後，連個芝士汁一樣地黃到金，味道更勝從前。
芝士茄汁炒通粉，色水對辦，面頭的太陽蛋，一上枱就穿，賣相比較差一點點，若非我趕時間，應該會要求煎過一隻。
結合芝士與番茄，鹹香酸甜味平衡，但我嫌太過斯文，欠缺豉油茄汁燴意粉的那股鑊氣；配料是腸仔與午餐肉，餐蛋腸仔，夠晒港式，若換成牛肉會更好。
凍奶茶味道正常不過。
相隔一個星期再經此地，又是隔離要排隊，這裡可以直行直入的場面。
穩穩陣陣，芝士蛋豬頸肉撈麵，黃到金的芝士汁，撈埋蛋汁，盡情的掛在麵條上，豬頸肉雖然烤得帶焦香，又爽又甜，但是芝士汁加蛋，其實齋撈都得。
黃金周期間，只要展示電話上的Mee懲罰師程式，有九五折優惠。
新記冰室：荃灣海壩街83-93號荃好景大廈地下D舖
沒有留言:
張貼留言