月前到將軍澳The Parkside的「三原」吃鐵板燒，才發覺號稱全港最黃的美食廣場「日日・食良」，就在隔離樓上。
適逢五一黃金週，場內黃旗飄揚，大家安裝了「Mee懲罰師」沒有？
有燒味店，有意粉漢堡包，有石燒牛扒，有飲品店，有麵店，有黃色冰室的分店，但是，黃昏時間的人流不算太多，沒有一個檔口要排隊，全場任坐唔嬲，搵位無難度。
見到住在將軍澳的友人YH，經常光顧「五一牛腩」，睇個名已明白其意思，你知我知單眼佬都知。
五一牛腩河，＄38一碗，我加牛雜，雙拼加＄6。
份量可不小，蔥粒我應該要求多青，眼見牛腩夠肥，牛雜有牛腸、牛肺、金錢肚、牛膀等等。
湯底清了一點，牛雜的滷水味不太強，腸沒有膏，欠缺脂香，金錢肚軟熟可口，牛肺有彈性，牛膀鬆化不硬；帶著肥膏的牛腩，味道特別甘香，可惜瘦肉位的質感略嫌粗糙。
河粉爽滑，連同蔥粒與辣油，提升了湯底的味道，最後還是喝到碗底朝天。
論風味或不及一些老牌麵店，衛生程度取勝，大家同聲同氣，不用聽著意見相反的店員或廚師，正在高談闊論。
一程796X巴士，貫通九龍城與將軍澳，交通暢順的話，大約半小時便到，非常方便，下次就來吃個石燒牛扒。
五一牛腩：將軍澳唐俊街18號The Parkside Mall「日日・食良」1樓
沒有留言:
張貼留言