因為遲了作出決定，買不到便宜的火車票，所以這次從倫敦北上諾定咸，選擇坐National Express，全程時間較火車慢一小時多，但車費只需八鎊左右。
準時中午到達，黃昏時間才作客友人的家，下午去那裡好？當時我有兩個計劃：
看球賽，當日諾士郡有場主場對住劍橋。
在市中心閒逛，雖然我兩年前也到過此城，但與路過沒有分別。
最後都是選擇後者，第一件事先放下行李在旅館，再坐巴士去吃個午飯。
以前在紅磡高山附近，我光顧過數次的「One Little Room」，現在已遷往諾定咸，來到門口，他鄉遇故知的感覺，一時湧上心頭。
諾定咸交通網絡也算方便，在市中心的Brian Clough銅像隔離的巴士站，坐60號巴士前往，大約15分鐘便到，一落車過對面便是。
在英國每一天都會飲咖啡，但一定不會是連鎖店之流，我知道有些人一去到外地（亞洲以外的地區），就會大解放飲返Starbucks，但我就絕對不會這樣做，不飲它們並非是立場問題，而是真的好撚難飲。
坐了三個多小時巴士，中午來一杯熱Latte，再次令我入神。
Her在我出發之前一日問我：「可唔可以幫手買啲膶腸過嚟？」
我：「趕唔切啦，我坐夜機個日朝早仲要返工。」
這裡主力賣意粉（無錯，始終都係離唔開意粉五指山），見到有一道花椒膶腸意粉，配搭在我而言是頗為新穎，不如就試下。
膶腸切成粒，與花椒一同滲進扁麵裡面，每一條麵條都充滿微辣與膶腸的甘香，對於英國人來說，或會覺得很有趣，但對香港人來說，是很熟悉的味道。
我純粹快閃五日，沒有甚麼鄉愁，如果我在當地生活的話，日子一久就會想念香港味道，這足以一解相思之苦。
為了探朋友才會到諾定咸，日後還有機會再見這位昔日紅土街坊，希望One Little Room老闆生活愉快。
One Little Room ：568 Woodborough Rd, Mapperley, Nottingham NG3 5FH
沒有留言:
張貼留言