一眾人在北角「鳳城」飲完茶，再去馬寶道吃豆腐花，然後行到和富薈飲咖啡吃甜品，最後一路向上，繼今年夏天的「人人和平」飯局之後，原班人馬再踏足保壘街。
下一站：麥記美食。
也有很久未曾試過這樣食法，一站又一站掃街，十多年前恃住自己食量大，身邊又有不少同道中人，正餐後溝貨是常識。
當時圈中其中一位核心人物R先生，現在身處加拿大，超過十年沒有回港，近年久不久才更新Facebook，對其近況差不多一無所知，我們聚首時，偶爾會提起他。
「而家佢仲可唔可以連掃幾站？」
「佢返嚟嘅話，又會唔會擺幾圍同佢接風？」
昔日同行的食友，有不少已經像訊聯網絡一樣失去聯絡，就算社交網站上彼此仍是朋友，但已經沒有互動多年，老死不相往來，就算他回來也難復舊觀了。
友人S兄排隊，我們就負責霸位，流量快也不用等太久。
圓渾實在的生煎包，內餡香甜熱辣辣，煎鍋貼皮薄但煙韌，裡面的餡與生煎包一樣地靚。
蟹季當造，食店推出蟹粉小籠包應市，＄19一隻。
用筷子夾起打韆鞦，搖晃的肚子沒有出現滲漏，輕輕地一咬，啜點肉汁，充滿蟹黃的甘香，細意品嚐，慢食才滋味，擒擒青隨時燙傷喉嚨。
掃街法則，平平地，小食多餐，蟹黃的餘韻猶在，咀邊輕帶笑微微，然後，又下一站。
寶刀未老。
麥記美食：北角堡壘街21-23號美嘉洋樓地下
沒有留言:
張貼留言