月前外遊兩星期，坐飛機回程途中，閉起雙眼你最掛念誰？
小寶？
唔。。。。。。。也可以說是吧。
美食呢？這兩個星期，你不想念香港味道嗎？
人在旅途就當然只看眼前，當然，回程的時候，十多小時長途機，總沒可能腦海只想起一個人。
作為一名麵痴，最掛念的美食，始終都是一碗雲吞麵。
好夢正酣之際，突然被弄醒，眼睛張開，竟是一名空姐，問我吃炒飯或麵團？
對他們的豬油渣撈麵念念不忘，貨真價實，粒粒都是脆豬油渣，連帶大碌竹打出來的麵條，坊間難尋的滋味。
見到貼在牆上的餐牌，有肉絲炒竹昇麵，寫明限量供應。
＄50一人份量，＄58一碟例牌。
我問店員：（例牌有幾多？）
店員：（比一人份量多一個麵底。）
例牌的肉絲炒麵，份量可以用到巨型來形容，鄰桌的食客見狀，不禁嘩嘩聲。
看似很多，其實只是麵餅發得比較大，炸得有如脆麻花的酥脆，與我平時在其他茶餐廳吃到的肉絲炒麵，有明顯分別。
相對肉絲的份量，比例上略少一點，厚薄適中的茨汁，把脆麵條浸軟，是另一種態度。
擺明車馬供應余均益，但不會原樽放在桌上任你添，要開口才給你，最後，一碟炒麵，辣醬添了兩次。
相隔兩星期再訪，恰巧是旅發局主席林建岳，說出雲吞麵不值得拿米芝蓮的言論不久。
坤記雖沒有米芝蓮星星，好歹都是連續數年，成為車胎人美食其中之一員。
一心來吃雲吞麵，又想吃蝦子，更想念豬油渣，乾脆來個撈麵。
打開餐牌，咦？豬油渣呢？
負責人解釋：（年前無賣喇，因為好多客唔鐘意。）
我心裡面屌了一聲。
唯有來個雲吞蝦子撈麵，落單時不忘提一句：（千祈唔好落蠔油！）
蠔油個性太強，與鴨蛋，麵粉打成的麵條，像水溝油一樣，除非，你為了蠔油而吃麵。
鹹香的蝦子，均勻地沾著彈牙，煙韌的麵條，小散尾的雲吞，豬肉與鮮蝦比例對等，各佔一半，爽滑的雲吞皮之下，是甘香的肥豬肉，與鮮蝦，是我心目中理想的雲吞。
大地魚熬出來的清湯，清鮮不濁。
當年的豬油渣撈麵
埋單之時，我忍不住對負責人說兩句：（唉，我本來為咗豬油渣撈麵而來，但係而家你哋唔再供應，老實講，真係有啲失望，尤其是食廣東麵，沒有豬油襯托，邊係路？）
負責人：（多謝你的意見。）
（還我豬油渣來！）
只在心裡哼，沒有宣之於口，我真係無撚用。
坤記竹昇麵：長沙灣永隆街1E號地舖
沒有留言:
張貼留言